Изгледот за 2020 година на Европската индустрија
26.09.2016
Визија за идните фабрики
Преку Хоризонт 2020 Европската Програма, 17 милијарди евра ќе бидат вложени во проекти кои се фокусираат на индустриско лидерство. Главните области на фокус се ИТ технологиите и сензорите и роботските индустрии.
Источна Европа внимателно ги следи трендовите на Западот
Во повеќето случаи, кога се зборува за теми поврзани со европската индустрија, луѓето обично имаат тенденција да мислат на западната страна од континентот. И покрај тоа, има големи очекувања од Централна и Источна Европа (особено од Полска, Чешка, Унгарија и Романија) да станат иновативни центри бидејќи имаат директен пристап до фондовите и големи истражувачки капацитети.
Нови трендови во светот
Откако санкциите против Иран беа укинати, оваа земја стана многу поинтересна од Русија или Кина, особено за компании активни во сектори поврзани со авијација, автомобилска и бродоградбена индустрија.
Нови еколошки правила
Најновите регулации поврзани со заштита на животната средина се фокусираат на трајната оптимизација на енергетските потрошувачи и искористување на алтернативни извори на енергија, каде што е можно.
Според Европската комисија, главната цел овде би била да се намалат емисиите на гасови до 40% до 2030 година, што би ги принудило компаниите да дојдат до нови технологии за производство кои се еколошки.
Намерата е да се спроведат на голема скала технички решенија кои работат со алтернативни извори на енергија и/или оние кои го минимизираат целокупниот трошок.
Нова квалификација за генерацијата „Индустрија 4.0“
Во следните години, нема да има главен фокус на создавање нови неквалификувани работни места во Европа. Напротив, се предвидува редефиниција на целиот индустриски спектар. Повеќе квалификувани позиции ќе станат вистинска потреба. Работната средина ќе биде се повеќе динамична и работните профили ќе бидат контекстуално дизајнирани, што ќе бара поголеми комплексни специјализации.
3Д технологијата за печатење ќе се користи на голема скала, додека нанотехнологијата ќе има зголемена улога во производствените процеси, особено поради фондовите од Хоризонт кои ќе бидат искористени за главно развивање проекти базирани на овие теми.
