Правилна филтрација на воздухот обезбедува оптимални работни услови во кабините за заварување
11.10.2017
Чадот, пареата и честичките прашина имаат негативно влијание врз работната средина, влијаејќи на квалитетот на производството и профитабилноста на компанијата. Најефикасниот метод за контрола на чадот кој се создава за време на процесите на заварување е да се извлече директно од изворот.
Ова не е секогаш можно или лесно да се организира. Во такви ситуации се препорачува да се користат кули за прочистување на воздухот. Тие го одржуваат нивото на концентрација на емисиите кои се создаваат за време на заварувачките операции на најниско можно ниво. Nederman го подобри дизајнот на опремата и изработи детални насоки за совршено поставување на кулите во работните области.
Безбедна филтрација на воздух
Кулите за прочистување на воздухот се идеално решение за случаи во кои извлекувањето од изворот не е опција. Всушност, ова се случува во работни простори каде што нема можност за инсталација на извлекувачки цевководи, или каде се заваруваат големи елементи во мали простори, или каде е потребно комплементарно решение за извлекување на воздухот од изворот.
Оптимални функционалности
Дизајнот на опремата го олеснува циркулирањето на воздухот во рамките на работниот простор, овозможувајќи му повеќепати да помине низ филтрирачкиот систем, каде што се задржуваат прашината и чадот.
Контаминираниот воздух се всисува на ниво на подот, се филтрира и повторно се враќа во просторијата од горниот дел на опремата. Издувните цевки на кулата овозможуваат покривање на големи површини, преку инсталација на доволен број единици, според вашите посебни потреби.
