Изгледот за 2020 година на Европската индустрија
26.09.2016
Визија за идните фабрики
Преку европската програма „Хоризонт 2020“, 17 милијарди евра ќе бидат инвестирани во проекти кои се фокусираат на индустриско лидерство. Главните области во фокус се ИТ технологиите и индустриите за сензори и роботика.
Источна Европа внимателно ги следи трендовите на Западот
Во повеќето случаи, кога се зборува за теми поврзани со европската индустрија, луѓето генерално имаат тенденција да мислат на западната страна од континентот. Дури и така, постојат големи очекувања од Централна и Источна Европа (особено од Полска, Чешка, Унгарија и Романија) да станат иновативни центри бидејќи имаат директен пристап до фондовите и големи истражувачки капацитети.
Нови тенденции на глобално ниво
Откако санкциите против Иран беа укинати, оваа земја стана многу поинтересна од Русија или Кина, особено за компании активни во сектори поврзани со авијација, автомобилска индустрија и бродоградба.
Нови еколошки правила
Најновите регулации поврзани со заштита на животната средина се фокусираат на трајна оптимизација на енергетските потрошувачи и на користење алтернативни извори на енергија, каде што е можно.
Според Европската комисија, главната цел тука би била да се намалат емисиите на гасови до 40% до 2030 година, што би ги принудило компаниите да дојдат со нови технологии за производство кои се еколошки прифатливи.
Намерата е да се имплементираат на голема скала технички решенија кои работат со алтернативни извори на енергија и/или оние кои го минимизираат вкупниот трошок.
Нова квалификација за генерацијата „Индустрија 4.0“
Во наредните години нема да има главен фокус на создавање нови неквалификувани работни места во Европа. Напротив, се предвидува редефиниција на целиот индустриски спектар. Повеќе квалификувани позиции ќе станат вистинска потреба. Работната средина ќе биде сè повеќе динамична и профилите на работните активности ќе бидат контекстуално дизајнирани, па затоа ќе бидат потребни покомплексни специјализации.
Технологијата за 3Д печатење ќе се користи на голема скала, додека нанотехнологијата ќе има зголемена улога во производствените процеси, особено поради фондовите од „Хоризонт“ кои ќе бидат искористени главно за развој на проекти базирани на овие теми.
