Новата Elcometer 224 – дигиталниот уред за мерење на површинскиот профил
12.03.2019
Од лансирањето во 2012 година се поставуваат прашања за тоа како правилно да се користи Elcometer 224.
Препорачаната техника подразбира изведување најмалку 10 мерења на нивото на површината и евидентирање на нивниот просек. Начинот на кој уредот првично беше дизајниран создаде погрешен впечаток дека едно мерење би било доволно за правилна проценка на профилот на површината.
Темата интензивно се дискутираше во комитетите за стандарди, особено во ASTM (American Society for Testing and Materials) и AS (Australian Standard), и заклучокот беше дека се потребни 10 мерења за точен резултат. ASTM смета дека корисникот може да го земе предвид или просекот на сите мерења, или највисокото ниво за одредување на профилот. SANS (South African National Standard), од друга страна, смета дека 5 мерења би биле доволни.
Elcometer ги инкорпорираше сите погоренаведени аспекти и го приспособи уредот соодветно.
Нови начини на мерење
Elcometer 224 сега нуди можност да се избере начин на вршење мерења „веднаш“, „персонализирано“ и „стандардно“, така што операторот може да избере што најмногу му одговара според важечкиот стандард.
- Режимот веднаш му овозможува на корисникот да организира поединечни мерења кои се прикажани на екранот (за B&T модели) и се зачувани во меморијата на групата податоци (за T моделот). Овој начин на мерење овозможува користење на уредот како првично.
- Персонализираниот режим му овозможува на корисникот да организира 5 или 10 мерења. Нивните нивоа се прикажани на екранот (за B&T модели) и нивниот просек, минималните и максималните нивоа се зачувани во меморијата на групата податоци (за T моделот).
- Стандардниот режим овозможува организирање на мерењата согласно следните стандарди: AS 3894.5, ASTM 4417-B и SANS 5772.
AS 3894.5 (Australian Standard)– Корисникот треба да организира 10 мерења. Најниските 5 нивоа од нив ќе бидат елиминирани, а просекот од преостанатите 5 ќе биде прикажан на екранот (за B&T модели) и зачуван во меморијата на групата податоци (за T моделот).
ASTM 4417-B (American Society for Testing and Materials)– Корисникот треба да организира 10 мерења и може да избере прикажување на нивниот просек или максималното ниво на екранот (за B&T модели) или нивно зачувување (за T моделот).
SANS 5772 (South African National Standard)– Корисникот треба да организира 10 мерења и нивниот просек ќе биде прикажан на екранот (за B&T модели) и зачуван во меморијата на групата податоци (за T моделот).
Промени во однос на методите за калибрација
Кога беа воведени новите методи на мерење, методите за калибрација исто така беа прегледани, изменети и поедноставени. Elcometer 224 – T модел сега ги вклучува следните методи за калибрација:
- Нулта калибрација – калибрацијата може да се користи и за T и за B модели.
- Калибрација во 2 точки – која е попрецизна од нултата калибрација.
- Калибрација на точката на мерење
