Висока технологија за индустриски апликации за бојадисување
19.08.2016

Graco неодамна го лансираше E-Xtreme – првата електрична пумпа за фарбање која беше лиценцирана за употреба во ATEX подрачја. E-Xtreme работи со електричен извор на енергија, што ја прави побезбедна, подостапна и поудобна од пумпите што се напојуваат со компримиран воздух. Понатаму, електричната технологија ги намалува евентуалните пулсации и ризикот од заледување на моторот.

Електричните пумпи имаат низа предности во споредба со технологијата на компримиран воздух, бидејќи ја елиминираат можноста за неправилна функција на опремата или привремената неактивност на компресорот.

Замената на пневматскиот мотор го намалува ризикот од негово заледување. Ова генерално се појавува кога работните услови подразбираат висока влажност. Во такви случаи моторот работи побавно и притисокот се намалува со непосредно влијание врз производствениот процес и конечните резултати од фарбањето. E-Xtreme претставува електрично решение способно да ја обезбеди конзистентноста на процесот на фарбање во секое бродоградилиште.

Понатаму, електричната пумпа ги подобрува работните услови, бидејќи нивото на бучава за време на процесот на фарбање е 5 пати пониско отколку во случај на користење пневматски пумпи. Новиот производ од Graco работи со 24OV/16A и може да се користи со било кој тип индустриско фарбање без оглед колку висок може да биде процентот на цврсти соединенија.

Во случај да нема приклучок достапен во работното подрачје, пумпата може да се поврзе со мобилен генератор. 

E-Xtreme е првата пумпа за фарбање лиценцирана за ATEX подрачја

Во споредба со други слични производи, E-Xtreme може безбедно да се користи во ATEX подрачја, во хемиската индустрија, хали за фарбање, офшор апликации, индустријата за нафта и гас и во сите други индустриски постројки со висок ризик од пожар.

Релевантно намалување на потрошувачката на енергија

Со низа дополнителни функционалности и намалена набавна цена, E-Xtreme е едно од најефикасните решенија за фарбање, особено во споредба со пневматските верзии. Користејќи ја електричната технологија, може да се заштеди до 80% од потрошувачката на енергија. Понатаму, Graco нуди продолжен гарантен период, кој изнесува до 3 години за електричниот мотор и до 1 година за електронските компоненти на опремата.

Препорачано за:

• хемиска индустрија
• хали за фарбање
• морска индустрија
• метални конструкции
• нафта и гас / офшор
• водоснабдување