Метализациониот Arcbeam спреј може успешно да се користи за нанесување на Инконел облоги
12.02.2018

Студија на случај – Опрема за метализација поставена во рафинерија во Дубаи

APS (Антикорозивни Заштитни Системи) е еден од клиентите на Metallisation со кој компанијата соработува 20 години и развива репрезентативни проекти во Дубаи. Две референци се поврзани со иконски згради – хотелот Бурџ Ал Араб и највисоката зграда во светот, кулата Бурџ Калифа.

Metallisation Arcbeam Spray генерира густи облоги со низок степен на порозност, затоа претставува соодветно техничко решение за проектот за рафинеријата во Дубаи. Нормално, технологијата овозможува постигнување степен на порозност под 5%. Ова има директно влијание врз перформансите на апликациите во нафтената и гасната индустрија. Обично облоги од Inconel 625, кога се прскани со Arc, имаат порозност од 2%.  Од друга страна, кога се прскани со Arcbeam, порозноста се намалува на 0.6%.

Во споменатиот проект, апсорпционите цевки, со дијаметар од 5.2 m и ладилните цевки со дијаметар од 5.4 m беа внатрешно обработени со техника Arcbeam spray.

Површините беа првично полирани за добивање константен и униформен профил.

Подрачјата што требаше да бидат обложени беа пескарени со гранат до ниво SA.3 и профилот изнесуваше 90?m. Последната фаза од подготовката вклучуваше пескарење со алуминиум оксид.

Внатрешноста на апсорпционите и ладилните цевководи беа покриени со два слоја Hastelloy 73E, секој од 225-250 ?m. Апликацијата беше изведена користејќи ја техниката Arcbeam Spray и опремата ARC 140. На крај беше нанесен дополнителен слој Sprayseal F со четка за да се обезбеди длабинска пенетрација на супстанцата во подрачјата што треба да се третираат.  Покриената површина беше околу 80m2 за секој цевковод посебно.  

Процесот Arcspray 

Кога се прска со Arcspray, материјалот што треба да се нанесе обично е жица која треба да се стопи со помош на електричен лак. Потоа, се прска со компримиран воздух за покривање на површината што треба да се третира. Така добиената супстанца се претвора во цврста и формира силно адхерентен и густ слој, способен да обезбеди исклучителна антикорозивна заштита.