Иднината на бродоградбената индустрија
10.06.2016

Секторот на бродоградба продолжува да ги следи негативните економски трендови. Експертите од IHS Maritime & Trade идентификуваа 5 главни развојни тенденции за следните неколку години.

Начинот на кој се развива трансферот на стоки директно влијае на транспортната индустрија

Додека се уште се соочуваме со рецесија, намалувањето на цената на ресурсите се очекува да продолжи во следните 10 години. Овој аспект веќе има последици на трошоците за транспорт на стоки. Од друга страна, фактот дека капацитетот на светската флота и онака е преголем го прави невозможно да се верува дека опоравување на цените на транспортот ќе биде наскоро достапно.

Единствениот исклучок се однесува на танкерите кои понатаму регистрираат постојана еволуција базирана на трансфер на поскапи производи поврзани со нафта.

IHS предвидува зголемување на потрошувачката на нафта и производи поврзани со нафта од околу +0.6% годишно до 2040 година.

Економската стагнација на Кина има непосредни последици врз индустријата за бродоградба

Очигледно Кина почнува да го доживува севкупниот тренд на рецесија. Од економско зголемување од 7% годишно во 2014 година, IHS процени 6% за 2016 година и чувствителна регенерација во 2017 година. Транспортот со танкери ќе биде погоден поради намалувањето на трансферот на стоки. Пред кризата, Кина увезуваше 70% од рудата на железо и 20% од рудата на јаглен, и двете се транспортираа по вода. Додека градежната индустрија е погодена, потребата за метални конструкции исто така се намали. Иако Кина престана со внатрешни рударски работи во корист на увоз на компоненти од железо со подобар квалитет, тоа сѐ уште нема да влијае релевантно на индустријата за бродоградба.

Како тенденција се очекува дека големите бродоградилиштата во Азија ќе преживеат на повеќе или помалку чесен начин, додека малите треба да станат ранливи особено ако се специјализирани за офшор проекти.

Укинувањето на ембаргото на Иран треба да има позитивно влијание на индустријата за бродоградба

Реинтеграцијата на Иран на мапата на извозници на нафта ќе има директно влијание на производството на бродови, неопходни за нејзин транспорт.

Големи податоци

Постојат многу дискусии околу идејата за ГОЛЕМИ податоци во индустријата за бродоградба. Имплементацијата на оперативни системи способни да го олеснат донесувањето тактички одлуки, изборот на најоптимални патни рути базирани на климатски услови, потрошувачка на нафта и други ризици што може да се појават за време на транспортот се чини дека се приоритет на листата на речиси сите бродоградители.

Демографските промени ќе имаат директно влијание на поморската индустрија

Глобалните демографски промени и развојните трендови во различни региони на светот директно ќе влијаат на секторот на бродоградба во следните 10 години.

Позитивната еволуција на средната класа во региони како Азија, Африка и Латинска Америка ќе предизвика зголемување на потрошувачката со влијание на транспортната индустрија.

Пожелни се повеќе обновени и иновативни технологии во следниот период. Сепак, индустријата се соочува со тешкотии во наоѓањето квалификуван персонал кој ќе ги развива. Повеќето од работниците во секторот се постари луѓе и речиси нема интерес од помладата генерација да се специјализираат во ова поле на активност.

Главното објаснување за тоа е дека индустријата за бродоградба се соочува со пониски степен на иновации во споредба со други сектори, што ја прави помалку мотивирачка. Добра стратегија би можела да биде инвестирање во области на истражување и развој.