Бродоградбена индустрија 2020
18.02.2016

Економската криза во последните години имаше силно влијание врз бродоградбената индустрија. Фактот дека целокупната дистрибуција на стоки значително е намалена во последните години дефинитивно и негативно влијаеше врз целиот поморски сектор.

Кризата продолжува да врши притисок врз развивачите на поморски технологии, кои се борат да најдат финансиски ресурси за своите традиционални проекти, со што се принудени дополнително да ги намалат производствените капацитети.

Сепак, нови можности се идентификувани во секторот. Барањето на офшор ресурси како што е морската обновлива енергија дефинитивно го поттикнува развојот на технологии поврзани со морето.

Со тоа на ум, развојните насоки се фокусираат на создавање економии кои се базирани на знаење и иновации, додека ефикасно ги промовираат новите идеи и резултатите од истражувачките и развојните проекти за зелена енергија (одржлив раст).

Нови предизвици за земјите на ЕУ

Поморскиот транспорт и соодветно бродоградбената индустрија се соочиле во последниот период со цикличен развој кој главно може да се опише како нестабилен. Контејнерските бродови главно се произведуваат во Кина, Кореја и Јапонија каде што речиси 4/5 од глобалното производство беше префрлено. 

Само високотехнолошките проекти останаа во Европа. Нивото на специјализација им овозможи на Европејците да го задржат водечкото место во дизајн, иновации и комплементарни услуги.

Поморски технологии

500.000 луѓе се активни во 7500 европски компании во овој сектор. Повеќето од нив се МСП. Целокупната продукција во регионот се проценува на околу 72 милијарди евра. Областите на развој се фокусираат на процеси за ракување со бродови, погон, комуникација, автоматизација и интегрирани системи. Околу 70% од целокупното производството е наменето за извоз.

Бродоградбена и ремонтна индустрија

Европејците главно инвестираат во производство на мали и средни пловила. Околу 90% е наменето за извоз.

Бродска индустрија денес

Целокупната постоечка флота е преголема во однос на актуелните потреби, основно поради намалувањето на глобалните комерцијални обеми. Во меѓувреме, бродоградбената индустрија во Азија испорачува рекорден број нови пловила на пазарот, што имаше директно влијание врз цените на транспорт кои значително се намалија.

Бродоградбената индустрија масовно се проширува во Кина, Кореја и други развојни земји додека Западна Европа се двоуми да продолжи да инвестира дополнително во овој сектор. Долгите производствени циклуси и ограничениот број нарачки во синџирот на снабдувачите се одразуваат во воздржаното однесување на европските компании.

Специјализираните сегменти како што се крстаречки и помошни флоти не се толку засегнати како секторот на товарни бродови. Сепак, во случај на високотехнолошки или луксузни бродови, компаниите се соочуваат со значајно прашање во наоѓањето на потребната финансиска поддршка за создавање и развој на проектите.

На европско ниво пазарниот сегмент се намали за 30% во споредба со нивото регистрирано пред кризата.

Сепак, перспективите на долгорочен план изгледаат позитивно.

Зголемените очекувања на општеството во однос на заштита на животната средина можат да генерираат нови можности.

Главните играчи во секторот идентификуваа следни трендови и цели кои треба да се постигнат до 2020 година:

• Промовирање на бродската индустрија како еден од стратегиските сектори на европско ниво со главен фокус на безбедносната област како генератор на нови работни места во регионот
• Бродство слично на иновации: главниот приоритет треба да биде испорака на производи кои вклучуваат висок степен на технологија базирана на најновите важни инвестиции во истражување и развој
• Конкурентна индустрија: целокупна реорганизација на секторот за создавање нови квалификувани работни места особено во областите на истражување и развој и услуги
• Специјализирани и зелени: фокус на создавање производи кои вклучуваат зелени технологии во целиот производствен процес.
• Дестинација: извоз – не само за крајните производи туку и за компонентите
• Енергетска ефикасност – фокус на дизајн и развој на производи кои би требало да инкорпорираат висок степен на технички решенија кои би биле ефикасни од енергетска и еколошка гледна точка
• За имплементација на оваа стратегија, ЕМТИ предвидува 4 главни ра��војни столба:
• Висока квалификација на персоналот кој делува во индустријата
• Подобро пристап до светскиот пазар
• Идентификација на финансиски ресурси за имплементација на новите проекти стимулирање на инвестициите во истражување и развој