Контрола на квалитет за електростатски обоени објекти
24.04.2017
За обезбедување соодветна антикорозивна заштита додека трошоците се одржуваат под контрола, се препорачува да се организираат сетови на проверки, и пред и по операцијата на бојадисување.
Претходни операции на бојадисување
- проверете дали површината што треба да се бојадиса е чиста
При бојадисување на контаминирана површина постои ризик бојата со време да се оддели поради намалена адхезивна способност. За проверка на состојбата пред започнување на операцијата на бојадисување може да се користат специјализираните комплети од Elcometer: Elcometer 138 и Elcometer 142
- проверете го нивото на грубост на површината што треба да се третира
Слојот боја нанесен на премногу мек профил може да има ниска адхезивна способност. Од друга страна, обложувањето на премногу груб профил вклучува ризик дека некои од неговите врвови ќе останат непокриени, со што ќе бидат изложени на корозија. Заклучок, обезбедување оптимален профил на површината пред започнување на бојадисувањето е високо препорачливо за добивање подобри резултати и за одржување на трошоците за боја под контрола. Верификацијата на нивото на грубост на површината може да се изврши со дигитален уред – Elcometer 224
- следење на климатските услови
Без разлика која боја ќе одберете да ја користите, апликацијата ќе се изведе со почитување на спецификациите на производителите поврзани со температурата на воздухот, температурата на површината и релативната влажност.
Обично температурата на површината треба да биде најмалку 30C над нивото на точката на росење. Бојата нанесена на влажна површина ќе има ниска адхезивна способност.
Ниското ниво на температура ќе го зголеми времето на сушење. За проверка на овие параметри може да се избере употреба на Elcometer 319.
На крајот од операцијата на бојадисување се препорачува:
- да се следи нивото на дебелина на слојот на бојата
Кога слојот на боја е премногу дебел постои ризик од пукање поврзано со тоа и зголемување на трошоците за боја што се користи. Од друга страна, ако слојот е премногу тенок површината нема да биде доволно покриена, со што ќе биде изложена на корозија.
За да се добие соодветна дебелина на слојот на бојата и за избегнување загуба на материјал се препорачува да се користи Elcometer 112 за мерење на дебелината на влажниот филм.
Ако е позната содржината на цврста материја во бојата и е измерена дебелината на влажниот филм, тогаш дебелината на сувиот слој на облогата може да се утврди врз основа на следната формула.
Дебелина на сув слој = дебелина на влажeн слој x содржина на цврста боја (%)
Ефективната контрола на сувиот слој на бојата може да се изврши со помош на Elcometer 456.
- да се провери конзистентноста на антикорозивната заштита
Корозијата обично се појавува поради несовршености на слојот на бојата. Порите претставуваат главна причина за тоа.
Во зависност од дебелината на сувиот слој на бојата и тестирачкиот притисок, порите може да се идентификуваат користејќи:
- метод со влажна сунѓерка – препорачливо за слоеви до 500 микрони
- метод со висок напон – за слоеви до 25 mm
Тестот исто така може да се изведе со Elcometer 270, Elcometer 266 и Elcometer 280.
- детектирање на нивото на сјајност на слојот на облогата
Мерењето треба да се изврши од 3 различни агли.
- 200 – за многу сјајни слоеви (>70 единици на сјајност)
- 600 – за полусјајни слоеви (10-70 единици на сјајност)
- 850 – за матирани слоеви
Аголот на мерење е специфициран на техничкиот лист за секој тип боја поединечно.
Процесот сам по себе може да се организира со употреба на Elcometer 480.
