Европскиот увоз на метални делови и структури
11.08.2016

Според CBI – Пазарна интелигенција, увозот на метални делови и структури од земји во развој ќе биде стабилен на краток рок. Западниот пазар нуди можности за оние производители што се способни да се натпреваруваат со големите европски компании и, во исто време, со главните добавувачи во полето: Кина и Индија. Цената, квалитетот и нивото на додадена вредност (дополнителни услуги) плус соодветна комуникација се од суштинско значење за обезбедување на успех на соработката со Западна Европа.

Вредноста на увозот што доаѓа од земјите во развој беше проценета на 16 милијарди евра во 2014 година (10% повеќе отколку во претходната година). Пазарниот удел на земјите во развој остана речиси непроменет помеѓу 2010 и 2014 година (меѓу 13% и 15%).

Еволуцијата регистрирана во последниот период е генерирана од зголемувањето на увозот во Германија, Обединетото Кралство, Холандија, Норвешка, Полска и Италија.

Германија е одговорна за една петтина од вкупниот европски увоз на метални производи. Франција е на второ место (10%), следена од Обединетото Кралство и Италија (8% соодветно 6%). Кога станува збор за увоз од земји во развој, врвот изгледа малку поинаку. Германија е број 1 (22%), следена од Обединетото Кралство (14%), Италија и Франција (по 9%).

Најдобри добавувачи на метални делови и структури 

Како што може да се очекува, Кина е главен добавувач на метални производи. Други 8 земји доминираат на врвот на извозите кон Европа: Турција, Индија, Тајланд, Виетнам, Малезија, Србија, Босна и Херцеговина и Тунис. Овие 9 земји покриваат 94% од вкупниот извоз на метални производи што доаѓаат од земји во развој.

Се претпоставува дека Кина ќе ја задржи својата водечка позиција во следниот период, иако нејзината стапка на развој ќе биде помала од онаа регистрирана пред неколку години. Зголемувањето на извозот кон европскиот пазар изнесува 2,2 милијарди евра. Турција регистрираше зголемување на извозот од околу 573 милиони евра, следена од Индија (+398 милиони евра), Тајланд (+198 милиони евра), Виетнам (+155 милиони евра) и Босна и Херцеговина (+91 милион евра).

Извозот од Виетнам продолжува да расте. Истото може да се пријави и за земјите од Југоисточна Европа, особено Босна и Херцеговина. 

Врв на метални производи увезени во Европа

Најрелевантните производи што доаѓаат од земјите во развој се однесуваат на леарски производи од железо и челик.

Калапите претставуваат една од најважните групи на производи, со висок потенцијал за зголемување во следните 10 години.

Во основа:

• Големи можности се гледаат во областа на метални делови што вклучуваат висок степен на трошоци за труд во производствениот процес
• Германија, Франција и Обединетото Кралство ќе продолжат да бидат главни увозници во следните години. Дури и така, пристапот на овие пазари нема да биде лесен.
• Германија ќе продолжи да биде број 1 европски увозник на метални компоненти.
• Индија и Кина ја поседуваат технологијата за производство на најголем дел од леарските производи од железо и челик какви што очекуваат западноевропските купувачи. Другите земји во развој ќе се соочат со силна конкуренција и ќе имаат малку шанси освен ако не бидат способни да ги приспособат своите ценовни стратегии.
• Калапите продолжуваат да бидат една од најрелевантните групи на производи увезени во Европа
• Постојат можности за производители што доаѓаат од Источна Европа, бидејќи можат да ја искористат предноста на флексибилност во условите за испорака, што има силно влијание врз конечните временски рокови на производството и трошоците за транспорт.

Поголемиот дел од производите извезени во Западна Европа се прилагодени. Многу зделки се реализираат преку подизведување. Овој тренд ќе се задржи и во следните години.

Производство

Европското производство на метални делови и структури се проценува на 470-570 милијарди евра. Околу 4 милиони луѓе работат во секторот. Ова одразува 10% од целата работна сила активна во индустрии поврзани со производство.

Пазарот е доминиран од мали и средни претпријатија. 400.000 компании се регистрирани во полето, од кои 95% имаат помалку од 50 вработени. Овој тип компании реализира 75% од целото производство.

Франција, Германија, Италија, Шпанија и Обединетото Кралство генерираат 75% од металните делови произведени во Европа.

Иако европските производители трошат 60%-70% од производството на челик, нивниот преговарачки капацитет со добавувачите е релативно ограничен.

Постојат јасни разлики меѓу компаниите од ЦИЕ и оние од Западна Европа. Производството што доаѓа од првиот регион вклучува висок степен на работна сила во процесот, при што пониското ниво на продуктивност се компензира со помалите плати.

Последната година што регистрираше позитивен тренд беше 2011. Почнувајќи од 2012 година, секторот беше јасно погоден поради кризата, која имаше релевантно влијание врз градежната индустрија. Мало закрепнување беше регистрирано во 2014 и се претпоставува дека ќе продолжи на ист начин на краток рок.

Во заклучок:

• Европскиот пазар за метални производи главно функционира преку подизведување делови од производствените процеси
• Во овој контекст, Централна и Источна Европа е релевантен играч способен да се натпреварува со кој било друг регион во развој што обезбедува производи за овој сектор

Европскиот пазар на метални делови и структури 

Европскиот пазар се проценува на 470-570 милијарди евра. Увозот однадвор од Европа е балансиран со извозот надвор од регионот. 

Најрелевантните групи на производи се:

• Калапи
• Леарски производи од челик и железо
• Метални компоненти
• Котли, контејнери и материјали за пакување

Подизведувачите покриваат речиси 60% од вкупниот пазар. Остатокот од 40% се распределува директно до крајниот купувач. Повеќето нарачки доаѓаат од машинското инженерство, градежната индустрија и автомобилската индустрија. 

Затоа:

• Секоја земја има своја сегментација на пазарот
• Главните потрошувачи се Франција, Германија, Италија, Шпанија и Обединетото Кралство. Значаен дел од производството се реализира интерно, затоа можностите за земјите во развој се ограничени.