Нови деловни можности за металопреработувачи во Источна Европа
10.05.2016

Најголемата можност за извозниците во Источна Европа лежи во предвидување и генерирање брзи решенија согласно сè понагласените очекувања на компаниите во Западна Европа. Иако конкуренцијата во полето е силна, Источна Европа сè уште ја има предноста на идеална комбинација помеѓу намалената цена на набавка, кратките рокови за испорака и висок степен на приспособливост на квалитативните очекувања.

Западна Европа бара флексибилност

Општата економска неизвесност и зголемувањето на трошоците за кредитирање ги наведуваат многу компании во Западна Европа масовно да ги намалат своите залихи и да испраќаат само нарачки во последен момент за компоненти и метални конструкции. Оваа стратегија им овозможува да заштедат релевантни ресурси поврзани со производната активност и да ги држат под контрола сите оперативни трошоци. Бидејќи ова ќе биде тренд и во наредните неколку години, купувачите ќе продолжат да ги испраќаат своите нарачки во последен момент и ќе очекуваат да го добијат соодветниот квалитет на компонентите во краток временски период. Друга тенденција е дека роковите за плаќање обично се продолжени, што им отежнува на многу добавувачи да се справат со пазарната ситуација.

Под овие услови и околности компаниите од Источна Европа можат да имаат корист од предноста на соседството, што им овозможува да ги испорачуваат производите побрзо од нивните конкуренти од Азија и други далечни региони. 

Затоа:

• Способноста за брза испорака на нарачаните производи им олеснува на компаниите активни во Источна Европа да станат доверливи добавувачи за Западна Европа
• Имплементацијата на флексибилни логистички системи или идентификување партнери со голем капацитет на залихи може да бидат добри стратегии за имплементација во следните години
• Поврзувањето на ERP системите помеѓу купувачите и добавувачите треба да го зголеми степенот на флексибилност, овозможувајќи испораките да се организираат според очекувањата на клиентите
• Имплементацијата на нови приспособливи производствени концепти може да го олесни справувањето со малите нарачки добиени на постојана основа
• Одржувањето на односите со клиентите и постојаното следење на фреквенцијата и условите на нарачките, плус вклучувањето во европски профилни асоцијации, сега се од суштинско значење за воспоставување долгорочни односи со западноевропските компании. 

Оценувањето на добавувачите станува сè построго

Сите купувачи сега се повеќе заинтересирани за анализирање на вкупните трошоци на сопственост отколку самите трошоци за набавка. Ова значи дека не е разгледана само цената на техничкото решение, туку релевантен станува и енергетскиот трошок за неговото работење. Квалитетот и ризиците поврзани со производот исто така се важни критериуми во одлуките за купување. Сите овие аспекти создаваат дополнителен притисок врз извозниците од земјите во развој. Дури и оние кои се способни да одговорат на сите овие високи очекувања ќе треба да се соочат со силна конкуренција.

Сè повеќе компании што делуваат во полето на металната обработка ќе се стремат да автоматизираат што е можно повеќе активности за да ги намалат трошоците за работна сила, истовремено зголемувајќи го квалитетот на финалните производи. Затоа компаниите во Источна Европа се смета дека имаат поголеми шанси во споредба со нивните конкуренти од Азија, Бразил и Блискиот Исток.

Како заклучок:

Инвестициите во маркетинг можат да донесат релевантни придобивки за индустриските производители од Источна Европа бидејќи им овозможуваат да ја комуницираат својата способност да одговораат на високи стандарди на квалитет и флексибилност, како што се очекува од западноевропските купувачи. Презентирањето на сите овие аспекти на постојан и јасен начин треба да помогне во подобро позиционирање на Источна Европа во споредба со масовното производство испорачано од Азија и други слични региони во развој

Дизајнот и квалификуваната работа ја прават разликата

Иновациите во полето на металната обработка главно беа фокусирани на намалување на потрошувачката на материјали и подобрување на квалитетот на финалниот производ. Компаниите активни во полето користеа значајни енергетски ресурси за оптимизирање на производните процеси. Новите тенденции во енергетскиот сектор плус новите стандарди поврзани со заштитата на животната средина обврзуваат создавање нови типови системи со висок импакт и врз дизајнот на производите и врз индустриските процеси.

 Затоа:

Интересот за заштита на животната средина станува уште една важна предност што Источна Европа може да ја има во споредба со своите конкуренти

Дизајн-услугите и фокусот на производствени процеси со висок импакт врз потрошувачката на енергија треба да станат USP при комуникација со западноевропските купувачи

Источноевропските земји можат да најдат нови можности поради намалување на капацитетите во металуршката индустрија во Западна Европа

Има многу мали и средни леарници низ цела Европа. Некои од нив банкротираа како последица на финансиската криза. Други ќе продолжат да го следат овој тренд во следните години, бидејќи нема да можат да ја продолжат својата активност на профитабилен начин.

Само големите леарници имаат шанси да преживеат. Под вакви услови извозниците од соседните земји имаат поголеми шанси да освојат пазарен удел врз основа на нивниот производствен капацитет и флексибилност да се приспособат на новите барања што доаѓаат од преработувачкиот сектор.

Затоа:

Соработката со Западна Европа ќе стане можно/полесно за земјите од Источна Европа ако производителите тука станат поактивни во комуницирањето на нивните капацитети и подготвеност да се приспособат на побарувачката и очекувањата на западноевропските купувачи

Губењето на работни места во Западна Европа носи нови можности за Источниот регион

Младата генерација во западните земји повеќе не е заинтересирана за работа во секторот за метална обработка, принудувајќи ги компаниите во полето или да вработуваат сè повеќе луѓе од Источна Европа или да аутсорсираат капацитети во овој регион. 

Оваа тенденција се одразува не само на неквалификуваните работни места, туку и на квалификуваните.

Во заклучок:

Активната интеграција во специјализираните асоцијации и постојаното следење на пазарните потреби може да помогнат во приближување на потребите за соработка и понудите

 КСО ќе направи разлика и во индустриските сектори

Корпоративната општествена одговорност (КСО) ќе стане норма сè поприсутна и во индустриската област. Како резултат, релевантен број западноевропски компании ќе бидат поподготвени да прават бизнис со партнери во странство со кои се сметаат компатибилни, бидејќи ги споделуваат истите вредности и ја замислуваат иднината на сличен начин.

Затоа:

Интегрирањето на КСО во организациската култура и ефикасната комуникација на активностите поврзани со неа претставува уште една важна предност на компаниите од Источна Европа во споредба со оние од Азија и други слични региони во развој